Khuda ke kareeb

Har insaan khuda ka khaas

Khud se pyaar hai gar
to na kisi ko dukhi kar
Har insaan khuda ka ek khaas hai
Jiske mann mein bhi tere jaisi ek aas hai

Kya karega ek aisi pehchaan banakar
Jisko koi yaad bhi na karna chahega
Is jahan se jaane ke baad
Har insaan khuda ka ek khaas hai
Jiske mann mein bhi tere jaisi ek aas hai

Karna hai to kuch unke liye kar
Jo har subah uthkar
Jeete hain kisi aur ke liye
Har insaan khuda ka ek khaas hai
Jiske mann mein bhi tere jaisi ek aas hai

Julm to woh bhi kar raha hai us par

Tu to na kar

Kar sakta hai to kuch accha kar

Har insaan khuda ka ek khaas hai
Jiske mann mein bhi tere jaisi ek aas hai

Izazat

Jeewan ke is relle mein
Mein bhi shamil hoon
Mere bhi kuch sapne hain
Main kisko Kahoon
Kabhi haan mile kabhi naa mile
Kabtak yoon nirbhar rahoon

Yeh kar loon, Woh kar loon
Har waqt izzazat loon
Tum to ek naari ho
Tum chupchap raho
Kabhi haan mile kabhi naa mile
Kabtak yoon nirbhar rahoon

Soch tha ki apna bhi ek din aayega
Jab apne nirnay le paaongi
Itne saal beet gaye par aaj bhi wohi
Har waqt izzazat loon
Kabhi haan mile kabhi naa mile
Kabtak yoon nirbhar rahoon

Khamoshi teri taqat

Apni khamoshi ko samajh apni taqat
Teri kabliyat hi teri jubaan hai
Tu kisi se kam nahin
Teri bhi ek pehchaan hai

Kya hua fir
Har war jubaan se nahin jeete jate
Kuch aise bhi hai
Jo khamosh reh kar sab kuch keh jaate

Khuda ka Deedar

Us waqt ka hamein hai ab intzaar
Ki didaar ho jaye us khuda ka
Bahut waqt beet gaya ab
Khud hi khuda se guftgu karte karte

Is duniya mein jodna aur todna
Laga hi rahega
Tum ho ya na ho
Sama bana hi rahega
Jindgi ka rella hai
Jahan har insaan akela hai
Sirf uparwale ka saath hai
Warna insaan to insaan ko dhkelta hi rahega

Sapne

Har us shaks ko jo shamil hai is jajan mein
Haq hai apne sapno ko saakar karne ka
Agar hausla hai aur Mehnat ka darr nahi
To har manjil aur mukam hasil honge khudbakhud

Sabr ka imtihaan hoga
Kabhi saamna haar se bhi hoga
Tab Hausla tumahra aur mehnat tumahri
Saath degi anjaam tak pahuchane me khudbakhud

Mat ghabra
Sapne bun
Laga le anjaam tak pahunchne
Ki dhun

Yaad rakhna ek hi baat
Khuda ne bheja hai tujhe ek maksad se yahan
Apni har karni ka
Phal bhogega yahan

Soch badlo aur aage bado

Beti aur bahu mein antar
 Rahega nirantar
Tum usko badal nahin sakte
 Kar lo jo bhi mantar

 Ladki ghar baar chodti hai
Apna sochkar ek ghar jodti hai
Sapne bunti hai Haatash hokar unhe khud hi udheti hai

 Jiske saath hai byahi
Usne kadar na jaani
 Taarif tab ki
 jab kathputli ki tarah uski maani

 Jab apni kahi
Tanhai pai
Hui kaha suni
Aur jag rulai

 Nissandeh yahi hai kahani
Kuch keh payin
 Aur kuch reh gayi
Bejuban hi

 Kab tak hoga yeh sab
 Ek din to hoga sawera ab
Pado likho hoshiyar bano
 Apne sapno ka sansaar racho

 Kabil ho samajhdar bano
 Koi darr nahin shuruwat karo
 Har pal jo naya hai
Woh swatch hai khra hai

 Jo jaisa hai Usse waisa hi rehna hai
Tumne himmat rakhni hai
 Aur aage badna hai
 Apne maa pita ke sanskaro ko Rakhna yaad
 Mehnat se na ghabrana
Aur bhagwan se karna fariyaad